ឧត្តមសេនីយ៍ម្នាក់ស្រវឹងស្រាបើករថយន្តទំនើបឡើងលើសួនច្បារវិមានឯករាជ្យ រួចបើកទៅបុកអ្នករុញរទេះលក់ទឹកសុទ្ធ។ ចំណែកប្រជាពលរដ្ឋដើរកម្សាន្ត និងអ្នកហាត់ប្រាណនាំគ្នារត់ទាំងព្រលឹងចុងសក់។ ហេតុការណ៍នេះបានកើតឡើងនៅវេលាម៉ោងប្រមាណជា៩និង៣០នាទីយប់ថ្ងៃទី២៤ ខែមករា ឆ្នាំ២០២៣។ 

សមត្ថកិច្ចនៅកន្លែងកើតហេតុបានឲ្យដឹងថា រថយន្តបង្កម៉ាកឡង់គ្រីស័រ ពាក់ស្លាកលេខ ភ្នំពេញ 2AU-3868 ពណ៍ស។ អ្នកបើកបរដោយឈ្មោះ យិន លីម ជាមន្ត្រីនគរបាលថ្នាក់ឧត្តមសេនីយ៍ទោ។ បើកបរក្នុងស្ថានភាពស្រវឹង។

 អ្នករុញរទេះលក់ទឹកសុទ្ធមិនរងរបួសនោះទេ ដោយសារគេចផុត។ 

លោកសាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញបានបញ្ជាក់ថា ទាំងមនុស្ស និងទាំងរថយន្ត បានយកមកដល់ស្នងការនគរបាលរាជធានីភ្នំពេញហើយ ដើម្បីសួរនាំបន្ថែម"៕