នាព្រឹកថ្ងៃទី១៦ ខែមីនា ឯកឧត្តម ផុស សុវណ្ណ ប្រតិភូរាជរដ្ឋាភិបាល ជាអគ្គនាយក នៃអគ្គនាយកព័ត៌មាន និងសោតទស្សន៍ក្រសួងព័ត៌មាន បានមានប្រសាសន៍ថា ក្រសួងព័ត៌មាន នឹងបិទការទទួលចុះឈ្មោះសម្រាប់បណ្តាសារព័ត៌មានជាតិ និងអន្តរជាតិ ចូលរួមយកព័ត៌មាននៅក្នុងព្រឹត្តិការណ៍ស៊ីហ្គេម២០២៣ ត្រូវបញ្ចបើត្រឹមថ្ងៃទី២០ ខែមីនា ឆ្នាំ២០២៣នេះ។ ដូច្នេះ គ្រប់បណ្តាសារព័ត៌មាន សូមរួសរាន់ឡើង ព្រោះការកំណត់ពេលវេលា មិនអាចបន្តទៀតបានទេ​។

ឯកឧត្តម ផុស សុវណ្ណ បានបញ្ជាក់ថា អ្នកសារព័ត៌មាន គឺមានកាតសម្គាល់ខ្លួនពណ៌ក្រហម អក្សរ E អាចចេញចូលបានក្នុងតំបន់ ៣ និង៤ ក្រៅពីនេះគឺអ្នកសារព័ត៌មានមិនអនុញ្ញាតឱ្យចេញចូលឡើយ លុះត្រាមានការអនុះគ្រោះពីគណៈកម្មាធិការជាតិរៀបចំកីឡាស៊ីហ្គេម និងអាស៊ានប៉ារ៉ាហ្គេម២០២៣៕