បុរសម្នាក់នៅក្នុងខេត្ត Gansu របស់ប្រទេសចិនត្រូវបានឃាត់ខ្លួនពីបទប្រើប្រាស់ ChatGPT ដើម្បីបង្កើតរឿងក្លែងក្លាយអំពីគ្រោះថ្នាក់នៃរថភ្លើងមួយ ដែលនេះលើកដំបូងរបស់ប្រទេសចិនក្នុងការស៊ើបអង្កេតទាក់ទងនឹង AI ខណៈដែលទីក្រុងប៉េកាំងរឹតបន្តឹងបច្ចេកវិទ្យារូបភាពក្លែងក្លាយ deepfake ។

រូបសញ្ញារបស់ OpenAI ត្រូវបានបង្ហាញនៅជិតការឆ្លើយតបដោយ AI chatbot ChatGPT នៅលើគេហទំព័ររបស់ខ្លួន នៅក្នុងរូបភាពគំនូរដែលបានថតនៅថ្ងៃទី 9 ខែកុម្ភៈ ឆ្នាំ 2023។ REUTERS/Florence Lo/Illustration/File Photo

ការិយាល័យប៉ូលិសក្នុងតំបន់របស់ទីក្រុង Pingliang បានរាយការណ៍ថា រឿងរ៉ាវដែលបានអះអាងថា គ្រោះថ្នាក់នៃរថភ្លើងនេះបានសម្លាប់កម្មករសំណង់ចំនួន ៩ នាក់នៅក្នុងទីក្រុងមួយនៅភាគពាយ័ព្យខេត្ត Gansu របស់ប្រទេសចិន ដោយទទួលបានចំនួនចុចមើលច្រើនជាង ១៥,០០០ ដងបន្ទាប់ពីត្រូវបានផ្សព្វផ្សាយនៅលើបណ្តាញសង្គមកាលពីថ្ងៃទី ២៥ ខែមេសា។ គណនី Baijiahao សរុបចំនួន ២៥ បានរាយការណ៍ពីគ្រោះថ្នាក់នេះ ជាមួយនឹងអាសយដ្ឋាន IP ពីទីតាំងផ្សេងៗគ្នា នេះបើយោងតាមសេចក្តីថ្លែងការណ៍របស់ប៉ូលិស។

ពួកគេបាននិយាយថា ជនសង្ស័យមាននាមត្រកូល Hong ត្រូវបានគេកំណត់អត្តសញ្ញាណ និងចាប់ខ្លួនពីបទផ្សព្វផ្សាយព័ត៌មានមិនពិត បន្ទាប់ពីប៉ូលិសបានតាមដានគណនីទាំងអស់ ហើយបានរកឃើញថាក្រុមហ៊ុនរបស់គាត់ក៏មានជាប់ពាក់ព័ន្ធដែរ៕

អត្ថបទកែសម្រួល៖ ណារិន

ប្រភព ៖ Reuters https://www.reuters.com/technology/china-reports-first-arrest-over-fake-news-generated-by-chatgpt-2023-05-10/