
ដើមអម្ពិល-DAP News
· 2023-11-19
វេណេស៊ុយអេឡា និងរុស្សី រួមគ្នាក្នុង ដំណើរការកាត់បន្ថយឥទ្ធិពលប្រាក់ដុល្លារ
#វេណេស៊ុយអេឡា# #ព័ត៌មាន# #ប្រាក់ដុល្លារ# #ព័ត៍មានអន្តរជាតិ# #Yvan Gil#
11809
ការ៉ាកាស៖ រដ្ឋមន្ត្រីការបរទេសវេណេស៊ុយអេឡា លោក Yvan Gil បានឲ្យដឹងថា ប្រទេសវេណេស៊ុយអេឡា និងរុស្ស៊ី កំពុងឆ្ពោះទៅមុខក្នុងដំណើរការដកប្រាក់ដុល្លាររបស់ពួកគេ ដើម្បីការពារ និងជំរុញទំនាក់ទំនងហិរញ្ញវត្ថុ ពាណិជ្ជកម្ម និងសេដ្ឋកិច្ចរបស់ពួកគេ។
លោក Gil បានបើកកិច្ចប្រជុំនៅទីក្រុងមូស្គូ ជាមួយសមភាគីរុស្ស៊ីលោក Sergei Lavrov ជាកន្លែងដែលពួកគេបានយល់ព្រម “ពង្រឹង” ទំនាក់ទំនងហិរញ្ញវត្ថុរវាងធនាគារកណ្តាលនៃប្រទេសទាំងពីរ។
មន្ត្រីរូបនេះបានកត់សម្គាល់ថា ប្រព័ន្ធទូទាត់ប្រាក់របស់រុស្ស៊ី Mir មានដំណើរការ ១០០ភាគរយនៅទូទាំងប្រទេសវេណេស៊ុយអេឡា។ លោក Gil ក៏បានឲ្យដឹងនៅក្នុងសេចក្តីថ្លែងការណ៍មួយដែលត្រូវបានចេញផ្សាយដោយផ្លូវការ Agencia Venezolana de Noticias ថា “វេណេស៊ុយអេឡា មានឆន្ទៈក្នុងការចូលរួមជាមួយក្រុម BRICS ឱ្យបានឆាប់តាមដែលអាចធ្វើទៅបាន” ។
សម្រាប់ផ្នែករបស់លោកវិញ លោក Lavrov បានឲ្យដឹងថា រុស្ស៊ីនឹងគាំទ្រ “បំណងប្រាថ្នារបស់មិត្តរបស់យើង ក្នុងការសហការនិងចូលរួមយ៉ាងសកម្មនៅក្នុងសមាគមនេះ” នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោក Gil បានបន្ដថា លោកខាងលិច ព្យាយាមធ្វើឱ្យខូចអធិបតេយ្យភាពរបស់រុស្ស៊ី និងវេណេហ្ស៊ុយអេឡា ប៉ុន្តែវានឹងមិនជោគជ័យនោះទេ ចាប់តាំងពីទីក្រុងម៉ូស្គូ និងការ៉ាកាស “នឹងការពារទំនាក់ទំនងទ្វេភាគីរបស់ពួកគេពីគ្រប់ប្រភេទនៃវិធានការរឹតបន្តឹងឯកតោភាគី”។
លោកបានបន្ថែមថា វេណេស៊ុយអេឡា និងរុស្ស៊ី បានឈានដល់ “កិច្ចព្រមព្រៀងសំខាន់ៗ” ដើម្បីទប់ទល់នឹងគោលនយោបាយដាក់ទណ្ឌកម្មរបស់លោកខាងលិច នេះបើយោងតាម Agencia Venezolana de Noticias ៕ ប្រែសម្រួល ឈូក បូរ៉ា
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ឃុំខ្លួនថៅកែ ស្ថានីយប្រេងឥន្ធនៈ ២នាក់ និង អ្នកចាត់ការម្នាក់ ពាក់ព័ន្ធនឹងការលក់ប្រេងមិនគ្រប់លីត្រ និងរឹងរូសចំពោះចំណាត់ការ របស់សមត្ថកិច្ចជំនាញ!
ពួកតាលីបង់ នឹងបង្ហាញទម្រង់រដ្ឋាភិបាល អាហ្វហ្គានីស្ថានថ្មី ក្នុងពេលប៉ុន្មាន សប្ដាហ៍ខាងមុខ
ពួកតាលីបង់ ព្រមានអាមេរិកនិងអឺរ៉ុប ស្តីពីជនភៀសខ្លួន ប្រសិនបើបន្តដាក់ទណ្ឌកម្ម លើអាហ្វហ្គានិស្ថាន
មន្រ្តីស្ថានទូតអាមេរិក នៅទីក្រុងកាប៊ុល ដុតលិខិតឆ្លងដែន របស់ជនភៀសខ្លួន អាហ្វហ្គានីស្ថាន នៅមុនពេលពួកតាលីបង់ ចូលកាន់កាប់
ការណែនាំពិសេស
យោបល់ទាំងអស់ (0)