TNAOT News

· 02-09

ឯកឧត្តម Wang Wentian ថាភាគីចិននឹងចូលរួមយ៉ាងសកម្មសម្រាប់ឆ្នាំផ្លាស់ប្តូរប្រជាជន ២០២៤

#សង្គម# #ផ្លាស់ប្តូរវប្បធម៌កម្ពុជាចិន# #ព័ត៌មានសង្គម# #ប្រជាជនកម្ពុជាចិន#

8222

ឯកអគ្គរដ្ឋទូតសាធារណរដ្ឋប្រជាមានិតចិន ប្រចាំនៅកម្ពុជា បញ្ជាក់ថា ភាគីចិន នឹងពង្រឹងសហប្រតិបត្តិការកាន់តែខ្លាំងជាមួយកម្ពុជា ដើម្បីរៀបចំយ៉ាងសកម្មសម្រាប់ឆ្នាំផ្លាស់ប្ដូរប្រជាជន និងប្រជាជន កម្ពុជា-ចិន ដើម្បីជំរុញការវិនិយោគ និងទេសចរណ៍។ ហើយឆ្នាំនេះក៏ជាឆ្នាំចាប់ផ្ដើមដំណើរការដំបូងនៃការកសាងសហគមន៍វាសនារួមរវាងចិន-កម្ពុជាក្នុងយុគសម័យថ្មី (២០២៤-២០២៨)។

នេះបើតាមអត្ថន័យក្នុងជំនួបពិភាក្សារវាង គណៈប្រតិភូសមាគមមិត្តភាព កម្ពុជា-ចិន ដឹកនាំដោយ ឯកឧត្តម ឯក សំអុល និងឯកឧត្តម Wang Wentian ឯកអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជា នៅស្ថានទូតសាធារណរដ្ឋប្រជាមានិតចិនប្រចាំកម្ពុជា ដើម្បីអបអរសាទរឆ្នាំថ្មីប្រពៃណីចិន ឆ្នាំរោង។

ក្នុងឱកាសនោះ ឯកឧត្តម ឯក សំអុល ក៏បានថ្លែងអំណរគុណចំពោះស្ថានទូតចិនប្រចាំកម្ពុជា ដែលបានគាំទ្រដល់ដំណើរការសកម្មភាពរបស់សមាគមយ៉ាងពេញទំហឹង ហើយបានបញ្ជាក់ថាសមាគមនឹងចូលរួមសហប្រតិបត្តិការគ្រប់ទម្រង់ ដើម្បីផលប្រយោជន៍ដល់ប្រជាជនទាំងពីរ និងចូលរួមចំណែកដល់ការកសាងសហគមន៍ជោគវាសនារួម ដើម្បីសុខ សន្តិភាពនៅក្នុងតំបន់ និងពិភពលោក។

ជាការឆ្លើយតប ឯកឧត្តម Wang Wentian ឯកអគ្គរដ្ឋទូតសាធារណរដ្ឋប្រជាមានិតចិនប្រចាំកម្ពុជា ក៏បានកោតសរសើរចំពោះការរួមចំណែករបស់សមាគមមិត្តភាព កម្ពុជា-ចិន ក្នុងការពង្រឹងចំណងមិត្តភាពរវាងប្រជាជនទាំងពីរ និងការលើកកម្ពស់ការអភិវឌ្ឍន៍ទំនាក់ទំនងទ្វេភាគីផងដែរ៕ 

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)

ការណែនាំពិសេស