TNAOT News

· 06-07

ក្លិបអ្នកកាសែតកម្ពុជាចាប់ដៃជាមួយសមាគមអ្នកសារព័ត៌មានទូទាំងប្រទេសរបស់មហាយក្សចិន

#សង្គម# #ផ្លាស់ប្តូរវប្បធម៌កម្ពុជាចិន# #ព័ត៌មានសង្គម# #ប្រជាជនកម្ពុជាចិន#

6847

ក្លិបអ្នកកាសែតកម្ពុជាបានចាប់ដៃ​​​ជាមួយសមាគមអ្នកសារព័ត៌មាន​​​នៃប្រទេសមហាយក្សមួយ បន្ទាប់ពីក្លិបអ្នកកាសែតកម្ពុជាបានចាប់ដៃគូជាមួយសមាគម​​​​អ្នកសារព័ត៌មានបរទេស​​​ជាបន្តបន្ទាប់​​​នៅក្នុង​​​តំបន់អាស៊ាន ​​​ក្នុងគោលបំណងដើម្បីភ្ជាប់ទំនាក់ទំនងរវាងសមាគមនៃប្រទេសទាំងពីរ។ នេះបើតាមជំនួបពិភាក្សាការងាររវាង លោក ពុយ គា ប្រធានក្លិបអ្នកកាសែតកម្ពុជា និងលោកជំទាវ អ៊ូ សៀ សមាជិកក្រុមបក្សកុម្មុយនីស្តចិននិងជាលេខាធិការ​​​នៃលេខាធិការដ្ឋានសមាគមអ្នកសារព័ត៌មានទូទាំង​​​ប្រទេសចិន នៅទីក្រុងគុនមីង ខេត្តយូណាននៃប្រទេសចិន។ ក្នុងឱកាសនោះ លោក ពុយ គា បានជម្រាបជូនភាគីចិន ថាក្លិបអ្នកកាសែតកម្ពុជាមានបំណង​​​ធ្វើការជាមួយអ្នកសារព័ត៌មានចិន​​​តាមរយៈសមាគម​​​អ្នកសារព័ត៌មានទូទាំងប្រទេសចិន ដើម្បីផ្សព្វផ្សាយព័ត៌មានល្អៗដែលអាចជួយជំរុញដល់កំណើនទេសចរណ៍និងទុនវិនិយោគនៅកម្ពុជា ជួយទប់ស្តាត់និងកាត់បន្ថយព័ត៌មានដែលនាំឱ្យមានការភាន់ច្រឡំ ក៏ដូចជាខ្សែភាពយន្ត “No More Bets” ដែលបានចាក់​​​បញ្ចាំងកន្លងមក។ជាការឆ្លើយតប លោកជំទាវ អ៊ូ សៀ ថាលោកស្រី នឹងដឹកនាំប្រតិភូអ្នកសារព័ត៌មានទូទាំងប្រទេសចិន​​​ ទៅកាន់កម្ពុជានៅពេលឆាប់ៗខាងមុខនេះ ដើម្បីចុះហត្ថលេខាភ្ជាប់ទំនាក់ទំនងជាផ្លូវការជាមួយក្លិបអ្នកកាសែតកម្ពុជាតែម្តង។បន្ថែមពីនេះ លោកជំទាវ អ៊ូ សៀ ក៏បានថ្លែងថា​​​ សមាគមអ្នក​​​សារព័ត៌មានទូទាំងប្រទេសចិន ធ្វើការជាមួយអ្នកសារព័ត៌មាន១លាន២សែននាក់ នៅប្រទេសចិន រីករាយនឹងភ្ជាប់ទំនាក់​​ទំនង​​ជាមួយក្លិបអ្ន​កកាសែតកម្ពុជា ដើម្បីធ្វើការរួមគ្នាលើវិស័យសារព័ត៌មានផងដែរ៕

 

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)

ការណែនាំពិសេស