ច្បាប់ថ្មីរបស់ប្រទេសអូស្ត្រាលីគឺ និយោជិត កម្មករ មានសិទ្ធិមិនឆ្លើយតបចំពោះនិយោជក (ប្រធាន ឬមេ) របស់ខ្លួន នៅក្រោយម៉ោងធ្វើការបាន "សិទ្ធិក្នុងការផ្តាច់ទំនាក់ទំនង"។ ច្បាប់នេះបានចូលជាធរមានកាលនៅថ្ងៃទី២ ខែកញ្ញា ឆ្នាំ២០២៤។ ជាក់ស្តែង ច្បាប់​នេះ​មិន​បានហាម​ឃាត់​និយោជក​មិន​ឲ្យ​ទាក់​ទង​កម្មករ​ក្រោយ​ម៉ោង​ធ្វើការទេ។ ផ្ទុយទៅវិញ វាផ្តល់ឱ្យបុគ្គលិកនូវសិទ្ធិមិនឆ្លើយតប ក្នុងកិច្ចការ ឬភារកិច្ចដែលត្រូវបានចាត់ទុកថាសមហេតុផល និងលើសលប់បន្ថែមពីម៉ោងការងារតែប៉ុណ្ណោះ។ការអនុម័តច្បាប់ថ្មីនេះធ្វើឡើងក្រោយពីមានការស្ទង់មតិមួយដែលបានចេញផ្សាយកាលពីឆ្នាំ២០២៣ ដែលបានប៉ាន់ប្រមាណថាប្រជាជនអូស្ត្រាលីធ្វើការជាមធ្យម ២៨១ម៉ោងនៃការថែមម៉ោង ទាំងដែលគ្មានប្រាក់បន្ថែមម៉ោង។ យ៉ាងណាមិញ ច្បាប់​នេះ​ក៏មានការចម្រោងចម្រាស់ ជជែក​ដេញដោល​គ្នា​ខាង​នយោបាយ​ពី​សហជីព ក្រុម​អ្នក​ជំនួញ និង​អ្នក​តស៊ូ​មតិ​ផ្សេង​ទៀត។ ខណៈប្រទេសជាង២០ នៅអឺរ៉ុប និងអាមេរិកឡាទីន ក៏មានច្បាប់ស្រដៀងគ្នានេះផងដែរ៕