ព្រឹត្តិការណ៍ «ស្នាមញញឹមនៃកម្ពុជា» លើកទី២ ធ្វើឡើងដើម្បីអបអរសាទរ ព្រះរាជពិធីបុណ្យខួបលើកទី២០ នៃការគ្រងព្រះបរមសិរីរាជសម្បត្តិ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅក្នុងបរិវេណប្រាសាទអង្គរវត្ត​ ដែលមានភ្ញៀវទេសចរជាតិ​ អន្តរជាតិប្រមាណ​ ៣០​ ៩៧៨នាក់​ ក្នុងនោះទេសចរអន្តរជាតិមានចំនួន ៣​ ១៧៨នាក់ និងទេសចរជាតិ និងបងប្អូនប្រជាពលរដ្ឋមានចំនួនប្រមាណ ២៧​ ៨០០នាក់​នាថ្ងៃទី២៩ ខែតុលា ឆ្នាំ២០២៤។

គួរបញ្ជាក់ផងដែរថា ព្រឹត្តិការណ៍ «ស្នាមញញឹមនៃកម្ពុជា» នេះ ក្រោមប្រធានបទ "យើងរួមគ្នាដើម្បីវប្បធម៌ ទេសចរណ៍" មានរយៈពេលពីរថ្ងៃ ចាប់ពីថ្ងៃទី២៩ ដល់ថ្ងៃទី៣០ ខែតុលា ឆ្នាំ២០២៤ ដែលរៀបចំដោយក្រសួងវប្បធម៌ និងវិចិ្ទសិល្បៈ រួមសហការជាមួយសមាគមសិល្បករខ្មែរ ក្រសួងទេសចរណ៍ អាជ្ញាធរជាតិអប្សរា សហភាពសហព័ន្ធយុវជនកម្ពុជា ខេត្តសៀមរាប ដើម្បីជំរុញបង្កើតព្រឹត្តិការណ៍សកម្មភាពសិល្បៈវវប្បធម៌ ព្រមទាំងសកម្មភាពផ្សេងៗដើម្បីផ្សព្វផ្សាយ និងជំរុញទាក់ទាញ បង្កើនកំណៀរភ្ញៀវទេសចរណ៍ជាតិ អន្តរជាតិ ជាពិសេសសម្រាប់គោលដៅទេសចរណ៍ខេត្តសៀមរាបអង្គរផងដែរ៕