ប្រទេសចិនបាននិយាយកាលពីថ្ងៃព្រហស្បតិ៍ថា ខ្លួនបានរកឃើញករណីចំនួន ៥ នៃមេរោគ mpox ថ្មី ប៉ុន្តែការផ្ទុះឡើងនេះត្រូវបានដោះស្រាយបានទាន់ពេលវេលា។ ជំងឺ Mpox បង្កឡើងដោយមេរោគឆ្លងទៅមនុស្សដោយសត្វ ប៉ុន្តែក៏អាចឆ្លងពីមនុស្សទៅមនុស្សតាមរយៈការប៉ះពាល់រាងកាយជិតស្និទ្ធផងដែរ។ វាបណ្តាលឱ្យគ្រុនក្តៅ ឈឺសាច់ដុំ និងដំបៅស្បែកធំៗ ហើយអាចបង្កឲ្យស្លាប់បាន។

អង្គការសុខភាពពិភពលោក (WHO) បានប្រកាសអាសន្នសុខភាពជាសាកលជុំវិញមេរោគនៅក្នុងខែសីហា ហើយបានបន្តរហូតដល់ខែវិច្ឆិកា បន្ទាប់ពីការផ្ទុះឡើងនៅសាធារណរដ្ឋប្រជាធិបតេយ្យកុងហ្គោ (DRC) ដែលបានសម្លាប់មនុស្សជាង ១,០០០ នាក់។ មជ្ឈមណ្ឌលគ្រប់គ្រង និងការពារជំងឺរបស់ចិនបាននិយាយនៅក្នុងសេចក្តីថ្លែងការណ៍មួយថា មនុស្ស ៤នាក់ដែលមានទំនាក់ទំនងជិតស្និទ្ធជាមួយអ្នកជំងឺត្រូវបានគេរកឃើញថាបានឆ្លងមេរោគ ហើយកំពុងបង្ហាញរោគសញ្ញាស្រាលៗនៃកន្ទួល និងពងបែក។

អាជ្ញាធរសុខាភិបាលបាននិយាយថា រហូតមកដល់ពេលនេះ គ្មានករណីណាមួយត្រូវបានរកឃើញក្នុងចំណោមអ្នកទំនាក់ទំនងផ្សេងទៀតនោះទេ។ នេះបើយោងតាមអង្គការសុខភាពពិភពលោកបានឲ្យដឹងថា ករណី mpox ត្រូវបានរាយការណ៍នៅក្នុងប្រទេសជាង ១២០ ចាប់តាំងពីឆ្នាំ ២០២២៕