១.ព្រឹត្តិការណ៍អង្គរសង្ក្រាន្ត ឆ្នាំ២០២៥ នឹងរៀបចំពិធីស្រង់ព្រះតាមទំនៀមទម្លាប់របស់អ្នកស្រុកអង្គរ នៅបរិវេណភូមិខ្ញុំ

អ្នកស្រុកអង្គរ សហការគ្នាជាមួយក្រុមការងារនៃព្រឹត្តិការណ៍អង្គរសង្ក្រាន្ត គ្រោងនឹងរៀបចំពិធីស្រង់ព្រះ ក្នុងសាលាឆទានក្នុងថ្ងៃចុងក្រោយនៃពិធីចូលឆ្នាំថ្មីប្រពៃណីជាតិខ្មែរដែលត្រូវនឹងថ្ងៃទី១៦ ខែមេសា ឆ្នាំ២០២៥។

២.សាហាវមែន! ករណីបុរសម្នាក់ស្រវឹងបើករថយន្តដេញបំបុកជនរងគ្រោះ នៅក្រុងតាខ្មៅ អាចចាត់ទុកជាករណីប៉ុនប៉ងមនុស្សឃាតដោយចេតនា

សមត្ថកិច្ចក្រុងតាខ្មៅ បានឃាត់ខ្លួនបុរសម្នាក់ឈ្មោះ សែម វិចទ័រ អាយុ ៣៨ ឆ្នាំ ពីបទប៉ុនប៉ងមនុស្សឃាដ នៅចំណុច ភូមិព្រែកសំរោង២ សង្កាត់តាខ្មៅ ក្រុងតាខ្មៅ ខេត្តកណ្ដាល វេលាម៉ោង២១:៥០នាទី យប់ថ្ងៃទី៨ ខែមេសា ឆ្នាំ២០២៥។

៣.អ្នកចូលចិត្តទទួលទានគ្រឿងសមុទ្រសូមប្រុងប្រយ័ត្ន! អាជ្ញាធររកឃើញគ្រឿងសមុទ្រ ៤៤គីឡូក្រាមមានផ្ទុកសារធាតុគីមីរក្សាសព ដាក់លក់ក្នុងផ្សារមោងឫស្សី

មន្រ្តី ក.ប.ប សាខាខេត្តបាត់ដំបង ចុះត្រួតពិនិត្យក្នុងផ្សារមោងឫស្សី រកឃើញគ្រឿងសមុទ្រចំនួនសរុប៤៤គីឡូក្រាមមានផ្ទុកសារធាតុគីមី Formalin ដែលសាធាតុគីមីនេះគឺបង្កឲ្យប៉ះពាល់ដល់សុខភាពអ្នកប្រើប្រាស់យ៉ាងធ្ងន់ធ្ងរ។

៤.កម្ពុជាបានបញ្ជូនកីឡាករ-កីឡាការនី១៣រូប ដើម្បីទៅច្បាមយកមេដាយនាព្រឹត្តិការណ៍ជើងឯកពិភពលោកនៅប្រទេសថៃ មុនស៊ីហ្គេមចូលមកដល់

សហព័ន្ធកីឡាឃីកបុកស៊ីងកម្ពុជា បានបញ្ជូនកីឡាករ-កីឡាការិនីចំនួន ១៣រូប ចូលរួមប្រកួតកីឡាឃីកបុកជ្រើសរើសជើងឯកពិភពលោកលើកទី១ នៅទីក្រុងបាងកក ប្រទេសថៃ ចាប់ពីថ្ងៃទី៧-១២ ខែមេសា ឆ្នាំ២០២៥ ខាងមុខ។

៥.អាម៉េរិកប្រកាសពន្ធគយទៅវិញទៅមកចូលជាធរមាន ដោយគ្មានការលើកលែងប្រទេសណាមួយឡើយ ខណៈកម្ពុជានៅរក្សា៤៩%ដដែល

ការប្រកាសពន្ធគយទៅវិញទៅមកបានចូលជាធរមាននៅថ្ងៃពុធ ទី០៩ ខែមេសានេះ ដោយពន្ធគយនាំចូលអាម៉េរិកពីកម្ពុជា គ្មានការកែប្រែឡើយគឺរក្សា ៤៩% ដដែល

៦.ហេតុការណ៍បាក់ស្រុតដំបូលក្លឹបរាត្រីដ៏ល្បីមួយនៅសាធារណរដ្ឋដូមីនីក បានសម្លាប់មនុស្សយ៉ាងហោចណាស់ ៧៩នាក់ និងរបួស២២០នាក់

សោកនាដកម្មបាក់ស្រុតដំបូលក្លិបរាត្រីដ៏ល្បីមួយកន្លែងក្នុងរដ្ឋធានីដូមីនីកបណ្តាលឲ្យមនុស្សយ៉ាងហោចណាស់ ៧៩ នាក់ស្លាប់ និង ២២០ នាក់រងរបួស។ 

៧.រយៈពេលត្រឹមកន្លះខែមុនចូលឆ្នាំថ្មី សមត្ថកិច្ចនគរបាលគ្រប់មូលដ្ឋានបានបង្ក្រាបក្មេងទំនើងបានជិត ១០០នាក់

អ្នកនាំពាក្យរងក្រសួងមហាផ្ទៃលោក ទូច សុឃៈ បានបញ្ជាក់ថា គិតត្រឹមរយៈពេលកន្លះខែមុនចូលឆ្នាំថ្មី គិតចាប់ពីថ្ងៃទី២៤ ខែមីនា រហូតដល់ថ្ងៃទី៧ ខែមេសា ឆ្នាំ២០២៥ បង្ក្រាបក្មេងទំនើងជិត ២០ករណី ដោយឃាត់ខ្លួនយុវជនជិត១០០នាក់ បញ្ជូនទៅតុលាការ និងទទួលបញ្ជូនតទៅតាមបណ្ដាពន្ធនាគារ និងមណ្ឌលអប់រំកែប្រែនានា។

៨.រដ្ឋបាលរាជធានីភ្នំពេញ និងនាយកដ្ឋានបង្ការនិងពន្លត់អគ្គីភ័យ អំពាវនាវពលរដ្ឋត្រូវប្រយ័តខ្ពស់ គ្រោះអគ្គិភ័យនាឱកាសពិធីបុណ្យចូលឆ្នាំថ្មី

រដ្ឋបាលរាជធានីភ្នំពេញ និង នាយកដ្ឋាននគរបាលបង្ការ ពន្លត់អគ្គិភ័យ បានណែនាំនិងក្រើនរំលឹក ដល់ប្រជាពលរដ្ឋពលរដ្ឋត្រូវមានស្មារតីប្រុងប្រយ័ត្នខ្ពស់ បញ្ហាអគ្គីភ័យកើតឡើងជាយថាហេតុអំឡុងពិធីបុណ្យចូលឆ្នាំប្រពៃណីខ្មែរខាងមុខនេះ។

៩.ពិតជាសាហាវមែន! ស្រ្តីជនជាតិវៀតណាមម្នាក់ដោយចង់បានប្រាក់ធានារ៉ាប់រងពេក ហ៊ានលើកដៃសម្លាប់កូនបង្កើតខ្លួនឯង

ស្ត្រី​ម្នាក់​នៅ​ខេត្ត Quang Nam ភាគ​កណ្តាល ប្រទេសវៀតណាម​ត្រូវ​បាន​ចោទ​ប្រកាន់​ថា​បាន​សម្លាប់​កូន​របស់​ខ្លួន​ដើម្បីទទួលបាន​ប្រាក់​ធានា​រ៉ាប់រង​កាល​ពី​២​ឆ្នាំ​មុន។

១០.អាម៉េរិកនឹងប្រកាសពន្ធលើការនាំចូលឱសថ ដើម្បីបង្ខំឲ្យក្រុមហ៊ុនយក្សផលិតកម្មកាន់តែច្រើនផ្លាស់ប្តូរទីតាំងទៅកាន់សហរដ្ឋអាមេរិកវិញ

ប្រធានាធិបតី Donald Trump កាលពីថ្ងៃអង្គារបាននិយាយថា សហរដ្ឋអាមេរិកនឹងប្រកាសពន្ធសំខាន់ៗលើការនាំចូលឱសថក្នុងពេលឆាប់ៗនេះ៕