កាលពីវេលាម៉ោង ៦ ល្ងាច ថ្ងៃទី២០ ខែមករា ឆ្នាំ ២០២៦ មានអគ្គិភ័យមួយបានឆាបឆេះរោងចក្រផលិតថ្នាំបាញ់មូស ស្ថិតនៅរោងចក្រឧស្សាហកម្ម Vercoi Industry 1 នៅផ្លូវ Moo ៨, ឃុំ Hin Kong, ស្រុក Mueang Ratchaburi ខេត្ត Ratchaburi ប្រទេសថៃ។ អណ្តាតភ្លើងឆាបឆេះយ៉ាងសន្ធោសន្ធៅ ខណៈក្រុមអ្នកពន្លត់អគ្គិភ័យប្រញាប់ប្រញាលទៅកាន់កន្លែងកើតហេតុដើម្បីគ្រប់គ្រងភ្លើង។ មិនមានរបាយការណ៍អំពីអ្នករបួស ឬស្លាប់ត្រូវបានបញ្ជាក់ក្នុងហេតុការណ៍នេះទេ។ យ៉ាងណាមិញអាជ្ញាធរនៅមិនទាន់ដឹងពីមូលហេតុនៅពីក្រោយអគ្គិភ័យនេះនៅឡើយទេ​ ដោយស្ថិតក្រោមការស៊ើបអង្កេត៕