អគ្គាធិការដ្ឋានក្រសួងមហាផ្ទៃ បានប្រគល់សំណុំរឿងឧត្ដមសេនីយ៍ទោ គង់ វុទ្ធី អតីតអគ្គនាយករង នៃ អគ្គនាយកដ្ឋានអត្តសញ្ញាណកម្មទៅនាយកដ្ឋាននគរបាលព្រហ្មទណ្ឌ ដើម្បីចាត់ការបន្តតាមនិតិវិធី។ ការបញ្ជូនសំណុំរឿងលោកផ្កាយពីរ គង់ វុទ្ធី ទៅនាយកដ្ឋាននគរបាលព្រហ្មទណ្ឌ បន្ទាប់ពីរដ្ឋមន្ត្រីក្រសួងមហាផ្ទៃចេញប្រកាសសម្រេចផ្អាកការងារបណ្តោះអាសន្នឧត្ដមសេនីយ៍ទោ គង់ វុទ្ធី អគ្គនាយករង នៃ អគ្គនាយកដ្ឋានអត្តសញ្ញាណកម្ម ដើម្បីបន្តដំណើរការស្រាវជ្រាវបន្ថែម កាលពីថ្ងៃទី០៩ ខែធ្នូ ឆ្នាំ២០២៥។ លោកឧត្ដមសេនីយ៍ទោ គង់ វុទ្ធី អគ្គនាយករងនៃអគ្គនាយកដ្ឋានអត្តសញ្ញាណកម្ម ជាប់ពាក់ព័ន្ធករណីរត់ការចូលសញ្ជាតិខ្មែរឲ្យទៅជនបរទេសក្នុងទំហំទឹកប្រាក់២លានដុល្លារ៕