ជាទូទៅសមុស្សធម្មតាគឺមាន IQ ពី 90 ដល់ 110 ពិន្ទុ បើមានភាពវៃឆ្លាតយ៉ាងច្រើនគឺ 120ពិន្ទុដែលយើងហៅថាជាមនុស្សធម្មតា ប៉ុន្តែអ្វីដែលមិនគួរឲ្យជឿនោះគឺមានមនុស្សមួយចំនួនមាន IQ ឡើងរហូតដល់ 200 ឬក៏លើសពីនេះក៏មាន។ សាកគិតមើលទៅថាតើមនុស្សដែលមាន IQ ខ្ពស់យ៉ាងហ្នឹង តើពួកគេអស្ចារ្យយ៉ាងណាទៅ? ខាងក្រោមនេះជាឈ្មោះរបស់ស្រ្តីបីរូបដែលមាន IQ ខ្ពស់លើសមនុស្សទូទាំងពិភពលោក៖

១.Edith Stern

Edith Sternគឺជាស្ត្រីម្នាក់ដែលឆ្លាតជាងគេបំផុតតាំងពីកំណើតមក។ កាលនៅពីក្មេងគាត់ជាក្មេងដែលឆ្លាតឈ្លាសវៃនិងគាត់អាចធ្វើការគណនានិងនិយាយប្រយោគបានពេញលេញមុនពេលចូលរៀន។ មិនត្រឹមតែប៉ុណ្ណោះគាត់ថែមទាំងទទួលបានសញ្ញាប័ត្រជាច្រើនមុនអាយុ 18ឆ្នាំ។

គាត់មានប័ណ្ណប៉ាតង់បញ្ជាក់ពីសម្ថភាពជាង 128 នៅសហរដ្ឋអាមេរិក។ ហើយបានទទួលពានរង្វាន់ជាច្រើនដូចជាពានរង្វាន់ភាពជោគជ័យនៃជីវិតក្នុងវិស័យវិស្វកម្ម។ ពិន្ទុ IQ របស់គាត់មានប្រហែល 200 ហើយក្នុងការធ្វើតេស្ត IQ ជាក់លាក់មួយចំនួនគាត់ទទួលបានពិន្ទុច្រើនជាងនេះក៏មាន។

២.Hypatia

Hypatia គឺជាកូនស្រីរបស់គណិតវិទូដ៏មានប្រជាប្រិយ Theon of Alexandria បានកើតនៅក្នុងគ.ស 351-370 ។ គាត់ជាទស្សនវិទូអេកូតារាវិទូនិងគណិតវិទូនៅប្រទេសអេស៊ីប ហើយបន្ទាប់មកចក្រភពរ៉ូមខាងកើត។ Hypatia ត្រូវបានគេជឿថាបានបង្កើតឧបករណ៍វិទ្យាសាស្រ្តជាច្រើនដូចជា astrolabe និង hydrometer។

នាងត្រូវបានគេស្គាល់ថាជាមនុស្សដ៏អស្ចារ្យម្នាក់ដែលមានពិន្ទុ IQ លើសពី 190 ។ ហើយនាងត្រូវបានគេកត់សម្គាល់ថាជាស្ត្រីឆ្លាតបំផុតដែលមាន IQ ខ្ពស់បំផុត។

៣.Marilyn vos Savant

Marilyn vos Savant មានភាពល្បីល្បាញណាស់ពីភាពឆ្លាតវៃរបស់គាត់ហើយនិងមានពិន្ទុ IQ ខ្ពស់រហូតដល់ 190។ គាត់គឺជាអ្នកសារព័ត៌មាននៃទស្សនាវដ្តីនិងជាអ្នកនិពន្ធផងដែរ។ នៅក្នុងទស្សនាវដ្តីគាត់មានប្រធានបទពិសេសមួយគឺ "សួរ Marilyn" ដែលគាត់ឆ្លើយតបនឹងសំណួរជាច្រើននិងដំណោះស្រាយល្បែងផ្គុំរូប។

មិនត្រឹមតែប៉ុណ្ណោះគាត់ថែមទាំងមានឈ្មោះក្នុងសៀវភៅកំណត់ត្រាពិភពលោក ដែលទាំងនេះគឺជាគុណសម្បត្តិរបស់ភាពវៃឆ្លាតនិងIQ 190 របស់គាត់។ គាត់គឺជាស្ត្រីដែលឆ្លាតបំផុតហើយក៏ជាមនុស្សឆ្លាតវៃបំផុតគ្រប់ពេល។

(អត្ថបទដកស្រង់)