អ្នកទោសប្រមាណ ៣០នាក់ លួចរត់ចេញពីពន្ធនាគារក្នុងខេត្តកំពង់ស្ពឺ

យោងតាមសេចក្តីជូនដំណឹងតាមរយៈទំព័រហ្វេសប៊ុកផ្លូវការរបស់លោក ផែង វណ្ណៈ បានឱ្យដឹងថា នៅយប់នេះមានអ្នកទោសប្រមាណជា ៣០នាក់ បានព្យាយាមលួចរត់ចេញពីពន្ធនាគារខេត្តកំពង់ស្ពឺ ប៉ុន្តែត្រូវបានមន្ត្រីអនុរក្សពន្ធនាគារ ចាប់ឃាត់ខ្លួនវិញបានទាំងអស់ ដោយមិនមានអ្នកទោសណាម្នាក់រត់រួចនោះទេ។

ក្នុងនោះផងដែរកម្លាំងកងរាជអាវុធហត្ថខេត្តកំពង់ស្ពឺ បានចុះទៅជួយអន្តរាគមន៍ទាំងយប់ ខណៈដែលមន្ត្រីពន្ធនាគារ កំពុងស៊ើបអង្កេតរកមូលហេតុដែលនាំឱ្យមានការលួចរត់ចេញទាំងយប់បែបនេះ៕ ដោយ ៖ សុង យូ