FIFA ផ្ដើមស៊ើបរឿងផ្ទេរទៅ Man Utd របស់ Bruno Fernandes មិនប្រក្រតី

ការផ្ទេររបស់ក្រុមបិសាចក្រហម Manchester United នៃខែ្សបម្រើឆ្នើម Bruno Fernandes ត្រូវបានសហព័ន្ធបាល់ទាត់ពិភពលោកហៅថា FIFA ចាប់ផ្ដើមធើ្វការស៊ើបអង្កេត ក្រោយពីក្លឹប Sampdoria បានអះអាងថាខ្លួនក៏មានចំណែកនៃការលក់របស់កីឡាករជម្រើសជាតិព័រទុយហ្គាល់នេះដែរ។

Sporting Lisbon បានធើ្វការលក់ Burno ទៅកាន់ Man Utd កាលពីខែមករាកន្លងទៅ ក្នុងតម្លៃ៤៦.៦លានផោន ហើយតម្លៃនេះអាចនឹងបន្ដឡើងរហូតដល់ទៅ ៦៧.៨លានផោន ដោយផ្អែកទៅលើទម្រង់លេងរបស់គេ។

Sampdoria បានលក់ Fernandes ទៅ ឲ្យ Sporting ក្នុងឆ្នាំ ២០១៧ និងបានអះអាងថាពួកគេជំពាក់ប្រាក់ប្រមាណ ៤ លានផោនទាក់ទងនឹងការលក់ ដែលពួកគេបានបញ្ចូលក្នុងកិច្ចព្រមព្រៀងដែលផ្តល់ឱ្យពួកគេនូវប្រាក់ចំណេញ ១០ភាគរយនៃប្រាក់ចំណេញណាមួយដែលធ្វើឡើងដោយក្លិបស្ថិតក្នុងប្រទេសព័រទុយហ្កាល់។

បើ​តាម​អ្នក​នាំ​ពាក្យ​ FIFA ម្នាក់​បាន​ឲ្យ​ដឹង​ថា Sampdoria បាន​ដាក់​ពាក្យ​បណ្ដឹង​ទល់​នឹង​ក្លឹប​ Sporting កាល​ពី​ថ្ងៃ​ទី៣ ខែ​មេសា ឆ្នាំ២០២០ កន្លង​ ដោយសារ​តែ​ក្លឹប​ព័រទុយហ្គាល់​នេះ ល្មើស​នឹង​កិច្ច​សន្យា​ពាក់ព័ន្ធ​នឹង​ភាគ​រយ​នៃ​ប្រាក់​ទទួល​បាន​ពី​ការ​លក់​កីឡាករ ខណ:សំណុំ​រឿង​នេះ​កំពុង​ត្រូវ​បាន​បើក​ការ​ស៊ើបអង្កេត​ពី FIFA ផងដែរ៕

ប្រភព៖ Sportbibble