SaroeunPheara
· 2020-06-18
Zidane ពិតជាមានការស្ញើចសរសើរយ៉ាងខ្លាំងចំពោះការអភិវឌ្ឍន៍សមត្ថភាពរបស់ Hakimi
#Hakimi# #កីឡា# #Dortmund# #Zidane# #បាល់ទាត់អន្តរជាតិ#
1816
លោក Zinedine Zidane បាននិយាយថាក្លិប Real Madrid ពិតជាមានការស្ញើចសរសើរ និងសប្បាយចិត្តខ្លាំងណាស់ ចំពោះការអភិវឌ្ឍន៍សមត្ថភាពដ៏អស្ចារ្យរបស់ខ្សែការពារ Achraf Hakimi ក្រោយដាក់ឱ្យក្លិប Borussia Dortmund ខ្ចីជើងពីររដូវកាលមកនេះ។
ខ្សែការពារវ័យ២១ឆ្នាំរូបនេះ បានផ្លាស់ទៅចូលរួមជាមួយ Dortmund ក្នុងលក្ខខណ្ឌខ្ចីជើងរយៈពេល២ឆ្នាំ ហើយបានអភិវឌ្ឍន៍សមត្ថភាព និងបច្ចេកទេសលេងយ៉ាងល្អ នៅក្នុងក្របខ័ណ្ឌ Bundesliga របស់ប្រទេសអាល្លឺម៉ង់។
កីឡាករសញ្ជាតិម៉ារ៉ុករូបនេះ គ្រោងនឹងវិលត្រឡប់មកកាន់អាណាព្យាបាល Madrid វិញក្រោយបញ្ចប់យុទ្ធនាការនេះជាមួយ Dortmund ក៏ប៉ុន្តែរូបគេហាក់កំពុងមានទំនាក់ទំនងជាមួយនឹងការផ្លាស់ទៅកាន់ក្លិប Bayern Munich នៅរដូវក្តៅនេះ។
ក្នុងរដូវកាលនេះ Hakimi រកគ្រាប់បាល់បញ្ចូលទីបាន ៩គ្រាប់ និងបោះបាល់ឱ្យមិត្តរួមក្រុមទាត់បញ្ចូលទី (Assist) ១០ដងផងដែរ ពីការបង្ហាញខ្លួនចំនួន ៤៤ប្រកួតរាល់ព្រឹត្តិការណ៍ទាំងអស់។
កែសម្រួលដោយ៖ ភារ៉ា
ប្រភព៖ livescore
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
យោបល់ទាំងអស់ (0)